حوال تا رد ئٹ جھل مگسی نا علاقہ گدھا گاڑا ٹی ارا قبائل نا نیام ئٹی جیڑہ ئٹ سم کاری نا سوب آن لیویز فورس نا کارندہ تون اوار مسہ بندغ مرگ نا گواچی مسر۔ لیویز فورس تون اوار بڑز ضلعی آفیسر آک ہند آ سر مریسہ حالیت ءِ سمبالار۔
گیشتر حوال تا رد ئٹ چِک و تاڑ نا بناء لیویز فورس نا رد ئٹ جھل مگسی نا علاقہ ٹی سم کاری نا سوب آن اسہ لیویز کارندہ عبدالفتاح تون اوار لعل جان و اونا سنگت مرگ نا گواچی مسر، سم کاری نا سوب آن تیوہ آ علاقہ ٹی خلیس تالان مسونے ویل ئنا حوال رسینگتون لیویز فورس و ضلعی آفیسران ہند آ سرمسر حالیت ءِ سمبالار، ویل ئنا رد ئٹ لیویز فورس پین پٹ و پول کننگ ءِ۔