حوال تا رد ئٹ بلوچستان نا ضلع آواران ٹی فورسز تا پارہ غان زالبول و چنا تا بے شرفی تا برخلاف برانز و روڈ بند کننگا۔
گیشتر حوال تا رد ئٹ آواران نا علاقہ تیرتیج ئٹ زالبول آک آواران آن تربت و آواران آن کراچی نا بھلا روڈ آ برانز کریسہ بند کرینو، اوفتا پاننگ ئس کہ تیرتیج ننا باوا پیرئی آ علاقہ ءِ و ننا میرات ءِ ولے ہر دے ہرا وخت زالبول آک جنگل آتیٹ کارہ پاٹ اتنگ کن گڑا آرمی والاک بریرا و اوفتے بے شرف کیرا۔
او پین پاریر کہ اگہ ڈی سی آواران ایکشن التو گڑا ننا ارٹمیکو ہرا گام مرو نن آواران ڈی سی کمپلیکس ء برانزی وڑ ئٹ بند کرون۔