بلوچستان ٹی کورونا وائرس نا 3 پوسکنو کیس رپورٹ مسونو ہراڑان گڈ زیمی تا کچ33617 مسونے۔
محکمہ جانجوڑی نا کورونا وائرس آپریشن سیل نا شینک کروکا رپورٹ نا رد ئٹ بلوچستان نا 6 ضلع آن کوروناوائرس نا 328 ٹیسٹ کننگانے ہرافتیٹ 3 بندغ ٹی کورناوائرس پک مسونے اندن76 بندغ نا رزلٹ بتنے داسکان۔
اندن رپورٹ نا رد ئٹ 24 گھنٹہ نا نیام ئٹی بلوچستان ٹی کورونا وائرس نا گواچی 5 ناجوڑی دراخ مسونو ہراڑان گڈ ناجوڑ مروک آتا کچ 33165 مسونے اندن بلوچستان ئٹ کورونا وائرس نا فعال ناجوڑ تا کچ89 ء۔
گیشتر حوال تا رد ئٹ ہرافتیان4 اسپتال ٹی دوا درمان مننگ ء، اندن امو4 بندغ آتیان 4 ہائی آکسیجن فلو آ تخوک ءِ۔
رپورٹ نا رد ئٹ بلوچستان ٹی داسکان کورونا وائرس آن 363 مرگ مسونے، رپورٹ نا رد ئٹ کورونا وائرس نا کچ 91 – 0 فیصدریکارڈ کننگانے۔