بلوچستان نا ضلع کیچ آن پاکستانی فورسز ارِا بندغ ءِ دزگیر کننگان آن گڈ اسہ بے ڈس و جاگہ سیا درینے۔
گیشتر حوال تا رد ئٹ ننکان فورسز کیچ نا علاقہ تجابان ٹی اسہ اُرا ئسے آ چھاپہ خلسیہ اِرا بندغ ءِ دزگیر کننگ آن گڈ اسہ بے ڈس ءُ جاگہ سیا درینے۔
بیگواہ مروک آ آڑتوما تا چائنداری میران نا مار اقبال و حاجی بدل نا مار دوستا نا پن ئٹ مسونے۔
یاتی مرے دا زوت منا دے ءِ ضلع کیچ ٹی زور اٹ بیگواہ مروکا آتا ویل آک ترندی ئٹ خننگیرا دا زوت اسہ ہفتہ ٹی ٹولی تیٹ بندغ آک بیرہ ضلع کیچ نا جتا علاقہ آتیان بیگواہ مسونو۔
اندن زورٹ بیگواہ کروک آتا بر خلاف تدوکا دے تیٹ بھلو کچ اسیٹ زالبول و چناک تمپ ایف سی کیمپ ءِ داپار ایپار ہلیسہ بیگواہ بندغ آتا یلہ کننگ کن خواست کریسر ۔