گوادر تون اوار تیوہ آ بلوچستان ئٹ طوفانی پر تا سوب آن ایمرجنسی ٹہیفنگا

حوال تا رد ئٹ ڈپٹی کمشنر گوادر زوت پر تا رد ئٹ تیوہ آ ضلع ئٹ ایمرجنسی ٹہیفسہ تیوہ آ ضلع نا مچ افسر تا چوٹی تے پد شاغا اندن ضلع گوادر ٹی  تیوہ آ اسپتال آتیٹ ڈاکٹر و پیرا میڈیکل اسٹاف ءِ الرٹ مننگ نا پرمان تننگانے دا ردئٹ ٹی ڈی سی آفس ٹی ایمرجنسی ہیلپ لائن ٹہفینو۔

ڈائی کمشنر گوادر کیپٹن ریٹائرڈ جمیل احد بلوچ پارینے کہ گوادر شار ٹی ایمرجنسی ٹہیفگانے، پر تا سوب آن  شار ئٹی بھاز آ ارا تے نسخان ہم مسونے، دا ہیت آتا درشانی ءِ او ضلع گوادر نا جتا علاقہ آتا ہننگ نا وخت آ ہیت کریسہ پارے او پارے کہ گوادر شار نا بھاز آ ارا تیٹ دیر مچ مسونے پر تیان زیمی علاقہ آرے  ریسکو کننگو۔

گوادر یوسی جہندمی تون اوار شار ئٹی بھاز آ ہند آتا  فلڈ ریسکو آپریشن برجاہ ءِ۔ ایلو پارہ غان ہندی مخلوق پاننگے کہ ہچ ءُ گام ارفنگتنے بلکن مخلوق تینا کمک تینٹ تینے بچفنگ کن کوشست کنننگے۔

اندن بلوچستان نا علاقہ کھچی، ڈھاڈر، مچھ، بھاگ ٹی ہم پر  آن گڈ یخ ئنا ترند ٹی ودکی مسونے، چار شمبے آ نا دے ہم  آسمان آ جمر تا راج ءِ، یخ ئنا ترندی ٹی ودکی تون اوار شار آتیٹ  سموسہ، پکوڑہ ، خشک فروٹس، بریانی و چا ئنا استعمال زیات کننگانے۔

گیشتر حوال تا رد ئٹ  صوبہ تون اوار  کچھی ڈھاڈر مچھ بھاگ ٹی پر تیان گڈ تینے یخ آن بچفینگ کن باسن گڑا تا استعمال ء زیات کرینو باسن جرسیی ، کوٹ و جیکٹس و جراب آتے کن بندغ آک بھلو کچ اسیٹ کباڑی نا پارہ آ کارہ ولے آسمان تون ہیت کروک آ  کبینی نا سوب آن منہ بندغ الینگ آن بیدس واپس مننگ آ بیوس ءُ، یخ ءِ اریسہ کاروباری بندغ آک ہم نے مخلوق نا بیوسی نا فائدہ ارفنگ ءِ بناء کرینو و  باسن گڑا تا سوب آن تینا است آن  ریٹس الینگ بناء مسونے ڈھاڈر ، مچھ ، بھاگ ٹی لس چا ئنا کپ 40 رپئی ، ککڑ  نا بیدہ نا سوپ 60 آن 100 رپئی مونگ پھلی 400 آن 500 رپئی کلو اندن سموسہ 20 رپئی آ سودا مریک ڈرائی فروٹس کبین مننگ نا سوب آن لس بندغ ڈرائی فروٹ الینگ کپک اندن گڑاتا نرخ آتے کنٹرول کروک آ پرائس کنٹرول کمیٹی ڈھاڈر ، مچھ ، بھاگ ٹی ہچ خننگ پک و کاروباری گس لٹ و پل برجاہ ءِ۔