سیندک پروجیکٹ ٹی کورونا نا کیس آتیٹ اسہ وار پین ودکی بھلو کچ اسیٹ مزور آتا ٹیسٹ مثبت بننگ آن گڈ مزدہ ٹی شاغیسہ قرنطینہ کننگانو حوال تا رد ئٹ سیندک پروجیکٹ ٹی ہرا وخت آن کورونا وائرس بسونے ملازم آک چھٹی آن گڈ 20 آن 25 دے اسکان قرنطینہ و بھاز وار ٹیسٹ کننگ آن گڈ ڈیوٹی کننگ کیرا۔
گیشتر حوال تا رد ئٹ کورونا ویکسین بننگ تون مزور تے فسٹ ڈوز ڈیو ڈوز داسا بوسٹر ڈوز ہم خلکنو داڑان بیدس ٹیسٹ نا پازیٹو بننگ آن گڈ مزور آک ہم خلیس نا گواچی ءُ زیات ٹیسٹ مثبت بننگ نا سوب آن پروجیکٹ نا تہٹی دوکانک و بینک آک بند کننگانو و مزور آتا میس آن اِرغ دننگ آ ہم پابندی خلنگانے۔
داسا اِرغ اوفتا کواٹر تیا سر کننگک اوڑے مزور تا پاننگ ءِ کورونا وائرس نا ویکسنیشن کننگ آن گڈ وار وار ٹیسٹ ئنا مثبت بننگ و مزور آتے ایٹ میلخ تیان بھار مزدہ ٹی شاغیسہ قرنطینہ کننگ مزور تا استحصال آن بیدس ہچ اس اف ہرانا نن بھاز مذمت ءِ کینا۔
و کورونا وائرس نا پن آ استحصال بند کننگ نا خواست کرینن ایلو پارہ غان نیشنل پارٹی و ایلو تینا پریس ریلیز ٹی سیندک پروجیکٹ آ کاریم کروک چینئز کمپنی نا منیجمنٹ و پاکستانی آفیسر آتا اوار ء ملی چم بازی ئسے پاریسہ دا عمل نا بھاز مذمت کرینو۔