بلوچستان نا جتا ضلع تیٹی مروکا تدینی تیان تیوہ وڑ ئٹ 2 بندغ بیران و 12 ٹپی مسر۔
تدینیک کوئٹہ، سبی و بولان نا علاقہ غا تیٹی مسر۔
گیشتر حوال تا رد ئٹ کوئٹہ کلی اسماعیل ٹی اُرا ئسیٹی گیس لیکیج نا سوب آن تراک مس ہراڑان اِرا بندغ بُن ہلیسہ ٹپی مسُر
کوئٹہ تدینی ٹی ٹپی مروک آتیٹ جواد احمد، علی احمد نا مار و علی احمد، عبدالنبی نا مار اوار ءُ ہرافتے ہندی کوالخواک بولان میڈیکل ہسپتال آ سر کریر۔
ایلو پارہ غان بولان پیرپنجہ نا خُڑک آ گاڑی ترند ہننگ ئٹ چپی مس ہرانا سوب آن اسہ بندغ ئس بیران و اونا ہمرہ تون اوار پین 7 بندغ ٹپی مسُر۔
اندن کوہلو ٹی سبی نا سالانہ اجتماع ٹی ہنیسہ ارنڈ نا جاگہ غا ڈبل کیبن گاڑی نا بریک فیل مننگ آن گاڑی کھائی ٹی تما ہرا نا سوب آن اسہ بندغ ئس بیران و مُسِٹ ٹپی مسُر۔
لیویز کوالخوا تا پاننگ ءِ کہ بیران مروکا بندغ نا چاہنداری ذوالقرنین مری نا پن آن مسونے۔