بلوچستان نا علاقہ خضدار، و دکی ئٹ جتا ویل آتیٹ اسہ بندغ اس مرگ نا گواچی، اندن اسٹ ٹپی مسونے۔
حوال تا رد ئٹ خضدار میونسپل کارپوریشن ئٹ چوکیدار خضدار کھنڈ نا ہندی بیگ محمد نا مار جلیل احمد تینے خاخر خلیسہ ہشا۔
گیشتر حوال تا رد ئٹ ہشینگوک آ بندغ بے سمائی نا حالیت ٹی ایمرجنسی آ دننگا ہراڑے بنائی وڑ ئٹ ویل نا رپورٹ تینے تینٹ ہشنگ نا دروشم اٹ مونا بس اندن ایمر جنسی ٹی دارو درمان کننگ آن گڈ پین دارو درمان کن کوئٹہ آ دننگا۔
اندن پین حوال ئسے نا رد ئٹ دکی ہندی کولا کانڑ ٹی بجلی نا کرنٹ لگینگ نا سوب آن اسہ کانکن اس مرگ نا گواچی مس۔
ہسپتال آن رسینگوک حوال تا رد ئٹ مرگ نا گواچی مروک کانکن نا چائنداری قلعہ سیف اللہ آن تعلقدار محمد الی نا مار حضرت عثمان نا پن ئٹ مسونے اندن بیران مروک آ کانکن نا جون سول ہسپتال دکی ٹی المی کاروائی آن گڈ خاہوت نا دو ٹی تریسہ باوہ پیرہی علاقہ آ رادہ کننگانے۔