کوئٹہ نا علاقہ میکانگی روڈ آ نن نیمہ غا کروک چغلی بمب ئنا جلہو ئٹ پولیس کارندہ، زالبول و چُنا تون اوار ہفت بندغ ٹپی مسر۔
پولیس نا رد ئٹ تدینی خدائیداد چوک ئنا خُڑک میکانگی روڈ آ مس، ہراڑے نا درست آ بندغ آک بیکری نا خُڑک چغلی بمب اس خسیسہنرار۔
تراک ئٹی ہفت بندغ ٹپی مسر، ہرافتے جانجواری کمک کن سول اسپتال آ سر کننگا۔
پولیس نا رد ئٹ ٹپی آتیٹ پولیس کارندہ، زالبول و چُناس اوار ءِ، تراک آن خُڑک ئنا دکان تا شیشہ آک ہم پنار۔
تدوکا دے قلات نا یونین کونسل گزگ نا علاقہ اناری ٹی نادرست آ بندغ آک تراکی آ مواد آ تیٹ موبائل ٹاور ءِ بھس کریر۔
لیویز نا رد ئٹ یوفون نا ٹاور ءِ تدوکا دے نادرست آ بندغ آتا کنڈ آن تراکی آ مواد تیٹ باز نسخان تننگا ہراڑان موبائل ٹاور تیوہ بےکارمس۔ نادرست آ بندغ آک اِرا تراک ئٹ موبائل ٹاور ءِ بھس کننگ آن گڈ سُم کاری ہم کریر۔