کوئٹہ نُت ئنا نیستی، 20 کلو نُت ئنا  پاچِک 2600 رپئی مسونے

حوال تا رد ئٹ بلوچستان نا دارالحکومت کوئٹہ ٹی نُت ئنا نیستی ہرا نا سوب آن 20 کلو نُت ئنا پاچِک 2600 رپئی ٹی سودہ مننگ ءِ۔

گیشتر حوال تا رد ئٹ شار ئٹی نُت ئنا نیستی و نرخ آتیٹ ودکی مننگ آن گُڈ  تندور ایسوسی ایشن نا پارہ غان تدوکا دے پڑو کننگاسس کہ اِرغ نا نرخ ءِ ودیفینگ نا موکل تننگے نہ تو پنج شمبے نا دے آن شار ئنا تیوہ آ تندور آک بند مرور۔

اندن پریس کانفرنس ایسوسی ایشن نا  راہشون تا پاننگ اس کہ نُت ئنا نرخ ئٹی ودکی نا سوب آن اوفتے  زر ئنا سختی مننگ کیک اندن ارغ کبین کننگ یا اونا وزن ءِ کم کننگ آ ضلعی بست و بند  نا پارہ غان ڈنڈ خلنگک، ایسوسی ایشن نا راہشون آک لس مخلوق  آن خواست کریسر کہ پنج شمبے آ تندور آتے اِرغ رسینگپرو، خواستگار آک تینکن پین وڑ اس کیر۔