2022 کن ادب نا نوبل داد ءِ فرانس آن تعلقداری تخوک آ نوشتکار اینی ایرنو دوئی کرے۔
سوئیڈش اکیڈمی نا کنڈ آن اینی ایرنو ءِ ادب نا نوبل داد ءِ تننگ نا پڑو کننگا۔
ادب نا نوبل داد نا دوئی کنننگ نا فیصلہ ءِ 18 باسکی سوئیڈش اکیڈمی کیک و دا مسخت کن اسہ نوشتکار ئسے نا تیوہ غا زند نا کاریم تے اُروئی تمک۔
اینی ایرنو فرانس نا ہڑدے ئی زند نا باروٹ ناول نوشتہ کیک و تینا ڈیھ ئٹ بھاز پنی ءُ نوشتکار ئسے۔
نوبل کمیٹی نا رد ئٹ اینی ایرنو صنفی بولی و طبقاتی بے برابری نا خوڑتی ئٹ جاچ ءِ ہلیسہ اونا جتاء پاہلو تے تینا نوشت آتیٹ جہان نا مونا ہتیک۔
1974 ئٹ اونا اولی ناول Les armoires vides شینک مسوسس ولے گواچنی وڑ ئٹ او تینا چارمی ناول “اے مینز پلیس” آن پِنی مس۔
اونا اِرا ناول “اے مینز پلیس” و “اے ویمنز اسٹوری” ءِ فرانس ئٹ کلاسیک نا جاگہ دوئی ءِ۔