تیوہ بلوچستان ئٹ ودوک وتکشی نا تدینیک ایسر مننگ نا پِن ءِ الپسہ، ضلع کیچ ئٹ اسہ پین بندغ ئس وتکشی کرینے۔
وتکشی نا تدینی ضلع کیچ نا علاقہ سرنکن ٹی مونا بسنے، ہراڑے چاکر مجید پنی ءُ بندغ ئس وتکشی کریسہ تینا زند ءِ ایسر کرینے، واہم وتکشی نا سوب آک داسکان سما تمتنو۔
یاتی مرے تیوہ بلوچستان ئٹ برجاء سال وتکشی نا کہی تدینیک ریکارڈ مسنو ہرا بھاز خُلیس نا ہیت ئسے۔
وتکشی نا ودوک تدینی تیا حکومتی پڑ آ بھلو چُپی ئسے، ہندا ہفتہ تربت ٹی تربت سول سوسائٹی نا کنڈ آن اسہ چاہنداری سیمینار ئس اڈ تریسہ وتکشی نا تدینی، اونا ایسری و سوب آتیا پنی آ سائیکالوجسٹ ءِ تران کننگ نا دعوت تننگاسس واہم بست و بند یا محکمہ جانجوڑی دانا زیا کاریم کتنے۔