ایران ٹی دزگیر مروک زالبول مہسا امینی نا مرگ ئنا بر خلاف برانز کروک بندغ تا بر خلاف کریک ڈاؤن کننگ آ ایران ءِ اقوام متحدہ نازالبول کمیشن آن کشنگا۔
میڈیا نا رد ئٹ ایرانی برانزی تیا کریک ڈاؤن نا بر خلاف ایران نا باسکی ءِ ایسر کننگ کن کمیشن ٹی ووٹنگ مس۔
ووٹنگ ٹی 29 ملک ایران نا باسکی ءِ ایسر کننگ نا حق ئٹ ووٹ تسر و 8 ملک ایران نا حق ئٹ ووٹ تسر اندن 16 باسک کس ئنا حق ئٹمفننگ نا فیصلہ کریر۔
یاتی مرے ایران ئٹ پردہ نا معاملہ آ دزگیر مروک زالبول مہسا امینی نا مرگ ئنا بر خلاف ستمبر آن برانز آک برجا ءُ۔
برانز تا بناء آن گڈ داسکان کم و ود 14 ہزار بندغ ءِ دزگیر کننگانے اندن 63 چنا تون اوار کم و ود 458 بندغ بیران مسنو۔