بلوچستان نا ضلع نوشکی و خضدار ٹی مروک اِرا جتاء تدینی تیٹ اِرا بندغ نا خون کننگا ۔
شابیت حوال تا ردئٹ نوشکی نا علاقہ غریب آباد ٹی نادرست بندغ آک سُم کاری کریسہ مہیم ولد محمد اشرف جمالدینی ءِ کسفیر ۔
پولیس کارندہ آک تدینی نا پک ءِ کرینو واہم تدینی نا سوب دائسکان سما متنے۔
ارٹمی پارہ غان خضدار نا تحصیل وڈھ آن بےدادی نا گواچی مروک جون ئس دوئی کننگانے ۔ پولیس نا پاننگ ئس کہ درو پولیس کارندہآتے حوال رسینگاسس کہ جوئے نورا ٹی معمر بندغ ئسے نا جون تموک ءِ ۔
پولیس نا ردئٹ پِن کروک بندغ ءِ بےدادی ئٹ نا گواچی کریسہ کسفنگانے واہم تدینی نا سوب آک دائسکان رسینگتنو اندن پولیس پٹ و پولکننگ ءِ ۔
پولیس نا پاننگ ئس کہ جون ءِ دوئی کریسہ اسپتال آ دننگا ، ہراڑے اونا چاہنداری محمد افضل ولد زرک سکنہ وڈھ نا پِن آن مسُنے