حوال تا رد ئٹ استو ننکان تربت نا علاقہ گوکدان ئٹی پاکستانی پیرا ملٹری فورس (ایف سی) نا 106 ڈبلیو کیو آر ایف نا ٹولی آ سلاءبند بندغ آک جلہو کریر۔
استو ننکان پاکستانی لشکر نا قافلہ آ مروکا دا جلہو ئٹ چار کارندہ مرگ ئنا گواچی و اسٹ نا ٹپی مننگ پک مسنے۔
قافلہ آ مروکا جلہو ئٹ کہوکا کارندہ آتا چاہنداری صوبیدار اظہر، لانس نائیک ابراہیم، لانس نائیک ساجد، و سپاہی ذوالفقار نا پن ئٹمسنے و جلہو ئٹ اسہ کارندہ ئسے نا ٹپی مننگ پک مسنے۔
بلوچ لبریشن آرمی نا ترجمان جئیند بلوچ میڈیا آ شنگ کروک تینا اسہ چُنک بیان ئسے ٹی جلہو نا ذمہ واری ءِ ارفیسہ پارے کہ نناسرمچار آک استو ننکان تربت گوکدان ئٹ کوزہ گیر پاکستانی لشکر نا اسہ کانوائے سے آ جلہو کرینو۔
ترجمان پارے کہ بلوچ لبریشن آرمی دا جلہو نا ذمہ واری ءِ ارفک۔ ترجمان ودیک پارے کہ دا بابت ئٹ شابیتی بیان زوت شنگ کننگو۔
یات مرے کہ نادرست آ بندغ آک فورسز آتا قافلہ ءِ کوگدان نا ہند آ ٹک کریر۔ پولیس نا رد ئٹ جلہو کیچ ئنا ضلعی ہیڈ کوارٹر تربت ئٹیپولیس تھانہ سٹی نا رہی ئنا ہند آ کننگا۔
پولیس نا رد ئٹ سیکورٹی فورسز آتا قافلہ ایف سی ہیڈ کوارٹر آن ڈی بلوچ نا علاقہ نا کنڈ آ ہننگ ئس۔ کسر آ نادرست آ جلہوکار آکفورسز آتا گاڑی آتیا سُم کاری کریر۔
پولیس نا رد ئٹ کہوکا تیٹ کشمیر نا ضلع سدھنوتی نا اسہ صوبیدار اس ہم اوار ءِ۔ جلہو نا پلویڑ ئٹ بروک ایلو کارندہ آتا تعلقداریخیبر پختونخوا نا ضلع لکی مروت و ہری پور آن ءِ۔ پولیس نا پاننگ ءِ کہ اسہ کارندہ اس ٹپی ہم مس ہرا نا حالیت خطرہ آن پیشنپاننگک۔