بلوچستان نا ضلع پنجگور ٹی سئے شمبے نا نن نادرست آ بندغ آک پولیس تھانہ آ چغلی بمب ئٹ جلہو کریر۔
شابیتی حوال تا رد ئٹ ضلع پنجگور ئٹ گیراج روڑ آ ساڑی پولیس تھانہ آ نادرست آ بندغ آک چغلی بمب اس خسیسہ نرار، چغلی بمبئٹ پولیس تھانہ نا مونا ساڑی اے ٹی ایف فورس نا اُلاخ تون اوار ایلو اُلاخ آتے نسخان مس وا ہم ہچو جانی نسخان نا حوال مونا بتو۔
تراک آن گڈ فورسز آک علاقہ ءِ گھیرہ کریسہ کسر تے بند کریر و سخت پٹ و پول بناء کریر۔
دا جلہو نا ذمہ واری ءِ آجوئی خواہوک تنظیم بلوچستان لبریشن فرنٹ ارفیسہ پارے کہ دا جلہو پولیس کن اسہ وارننگ ئسے۔
بلوچستان لبریشن فرنٹ نا ترجمان میجر گہرام بلوچ پنجگور تھانہ آ چغلی بمب جلہو نا ذمہ واری ءِ ارفیسہ پارے کہ سرمچار آک چتکانسٹی تھانہ آ اینو شام ئنا ہفت بجہ و سی منٹ آ چغلی بمب ئٹ جلہو کریر۔
دا جلہو اوفتیکن اسہ پامداری سے کہ او سرمچار آتا رند ءِ ہلپس و کوزہ گیر پاکستانی لشکر و اونا ڈھکوک ادارہ آتا کارندہ آتا سہولتکاری و پن ئنا منصوبہ آتیٹ اوار مننگ آن پدی مریر۔ نہ تو ہرا روشت پاکستانی لشکر، ایجنٹ و ریاستی کمکار آتون مریک ہمو روشتپولیس تون ہم مرو۔