تدوکا دے کیچ نا علاقہ ہوشاپ ئٹ پاکستانی لشکر تون جھڑپ ئٹ بیران مروک بندغ آتا چاہنداری مسنے۔
بیران مروک آتا چاہنداری امام ولد مسکان ہند تجابان، رضائی ولد واحد بخش ہند سری کرکی، یحییٰ ولد آسمی ہند پسنی و ممتاز ولدگزی ہند پرکوٹک ہوشاپ نا پن تیٹ مسنے۔
خیال ئٹ مرے کہ تدوکا دے ضلع کیچ نا علاقہ ہوشاپ ئٹ پاکستانی لشکر و سلاء بند بندغ آتا نیامٹ مروک اسہ جھڑپ اسیٹ چار بندغبیران مسوسر، ہرافتا جون تے لیویز سول اسپتال تربت آ سر کریسس۔
پاکستانی لشکر نا شعبہ تعلقات عامہ تدینی نا پک کرینے۔
ایلو پارہ غا ذرائع تا پاننگ ءِ کہ بیران مروک بندغ آتا تعلقداری بلوچ آجوئی دوست سلاء بند گل آتیان ءِ واہم دا بارو ئٹ آجوئی دوست آتاہیت داسکان مونا بتنے۔