بلوچستان نا بنجائی شار کوئٹہ و جھل مگسی ٹی ارا جتاء تدینی تیٹ چنک سن چنا تون اوار ارا بندغ بیران مسر ۔
جھل مگسی نا علاقہ گنداواہ پتری ٹی نا درست سلاء بند بندغ آک سم کاری کریسہ ثناء اللہ ولد محبوب علی پنی بندغ ئسے مرگ ئنا گواچی کریر۔
تدینی نا حوال رسینگنگ تون لیویز فورس ہمو جاغہ آ رسینگا، جوْن ءِ ڈسٹرکٹ ہیڈ کوارٹر ہسپتال آ دننگانے۔ تدینی تون تفوک ذرائع تا پاننگ ئس کہ تدینی مُستنا دژمنی نا لڑ ئس لگیک۔
ایلو پارہ غان کوئٹہ نا علاقہ خیزئی چوک منظور میدانی نالہ آن چنا ئسے نا جوْن دوئی کننگانے ۔
جون ءِ بی ایم سی اسپتال آ دننگا ہراڑے اونا چاہنداری دوانزدہ سالہ عبدالنبی نا پن آن مسونے۔