بلوچستان آن پاکستانی لشکر اسہ بندغ ئسے دزگیر کننگ آن گڈ بیگواہ کرینے، اِرا بندغ آجو مسنو۔
بیگواہ مروک آ بندغ نا چاہنداری نصیر احمد ولد فقیر محمد مشکے جہلواری نا ہندی نا پن آ مسنے۔
خاہوت نا پاننگ ءِ کہ نصیر احمد ءِ فورسز آک چنکا ائید آن دئے دے گڈ تربت آن دزگیر کریسر، اونا خاہوت پک کرسا پارے۔
ایلو کنڈ آن آواران نا علاقہ مشکے آن حوال رسینگانے کہ 22 دسمبر 2018 نا نن اُرا غا چھاپہ خلسا ہاشم ولد رسول بخش پنی ءُ بندغئسے دزگیر کننگاسس ہرا بھلو وخت اس فورسز آتا دزگیری ٹی مننگ آن گڈ 23 جولائی 2023 آ خضدار آن آجو مرسا اُراغا سر مس۔
داکان خاران آن تدوکا دے بیگواہ مروک حافظ و نگزیب ہم آجو مرسا اُراغا سر مس۔