پاکستان نا صوبہ خیبرپختونخواہ نا دارالحکومت ٹی ورسک روڈ آ پاکستانی فورسز تا الاخ نا خڑک تراک نا سوب ٹی کم و ود ارا کارندہ مرگ ئنا گواچی و 10 ٹپی مسونو ۔
شابیت حوال تا ردئٹ پشاور ٹی ورسک روڈ آ پاکستانی فورسز تا الاخ نا ہند تراک مس ہرانا سوب ٹی ارا کارندہ مرگ ئنا گواچی و 10 ٹپی مسونو ۔
پولیس و ریسکیو ٹیم آک ہند آ رسینگار و تراک ئٹ ٹپی مروک آتے اسپتال آ دننگا ، ٹپی مروک آتیٹ 7 فورسز کارندہ و 3 شاری اوار ءُ ۔
ایس پی ورسک محمد ارشد خان نا پاننگ ئس کہ بنائی پٹ و پول نا ردئٹ تراک بارودی مواد نا ترخنگ آن مس ، تراک نا بابت گیشتر پٹ و پول برجاء ءِ ۔