بلوچستان ئٹ ڈیتھ اسکواڈ نا حکومتی مخ تفی و بے گواہ بندغ تا یلہ نہ مننگ نا برخلاف بی این پی نا راہشون سردار اختر مینگل نا راہشونی ٹی بی این پی نا مسکوہی باسک آک پاکستان و صوبائی اسمبلی، سینٹ نا باسک آک و سینئر راہشون آک پاکستان نا دارالحکومت اسلام آباد ئٹ پارلیمنٹ ہاؤس نا مون آ اینو تولوک برانز کریر۔
تولوک برانز ئٹ مسکوہی چیئرمین سینیٹ رضا ربانی، بندغی حق آتا باسک آمنہ مسعود جنجوعہ، افراسیاب خان خٹک، سینیٹر قاسم رونجھو، سینیٹر نسیمہ احسان شاہ، بی این پی نا سیکرٹری جنرل جہانزیب بلوچ، مسکوہی وفاقی وزیر آغا حسن بلوچ، مسکوہی ایم این اے عبدالروف مینگل، مسکوہی ایم پی اے سید احسان شاہ، میر اکبر مینگل، اختر حسین لانگو، حمل کلمتی، بابو رحیم مینگل، منورہ سلطانہ، شکیلہ نوید دہوار، سنیل کمار، شمائلہ اسماعیل، جمیلہ بلوچ، چیئرمین واحد بلوچ، ٹکری شفقت لانگو، حاجی باسط لہڑی، شفیع مینگل، بشیر مینگل، راجہ فیاض ایڈوکیٹ، فیض اللہ بلوچ، اسماعیل کرد، لیاقت کیازئی، ابوبکر لانگو، اسد سفیر، ادریس پرکانی، حمید بلوچ و ایلو باسک آک، سیاسی چاگڑدی راہشون و بندغی حق آتا تنظیم آتا راہشون آک اوار مسر۔
ہندا وخت آ اوفتا پاننگ ئس کہ زوراکی ئٹ بے گواہ بندغ آک پاکستان نا عدالتی نظام کن پاش ءُ چیلینج ئسے ءُ۔ پاکستانی نا پارلیمنٹ نا بے سہبی ءِ و ریاستی ادارہ تا بد حالیت بے قانودی ءِ۔ زوراکی ئٹ بے گواہ بندغ تے زوت ئس یلہ کننگے۔