بلوچی بولی نا پنی آ شاعر مبارک قاضی نا شاعری نا کتاب “ھانی منی ماتیں وطن” ءِ براہوئی بولی ئٹ مٹ کننگانے ہرا زوت شینک کننگ مرو۔
براہوئی ئٹ مٹ کننگ نا کاریم ءِ براہوئی بولی نا پنی آ شاعر و ادیب غمخوار حیات ایسر تسونے۔
بلوچستان اکیڈمی تربت پڑو اسیٹ پارے کہ دا کتاب ءِ زوت شینک کننگ مرو۔
مبارک قاضی خدو 67 سال ئنا عمر ئٹ وفات کرے۔ اونا وفات آ تیوہ غا بلوچستان مودہ کرے۔ مبارک قاضی نا شاعری نا دئے کتاب شینک مسونو۔ بلوچی ادب ئٹ مبارک قاضی تینا جتاؤ گچین ءُ ہند اس تخک۔
کتاب ءِ مٹ کروک شاعر و ادیب غمخوار حیات نا ہم دئے آن زیات کتاب شینک مسونو ہرافتیٹ افسانہ، انشائیہ، شاعری، نوشتانک و مٹ و بدل اوار ءُ۔
غمخوار نا انشائیہ غاتا کتاب ءِ خاران آن تعلقدار خلیل بلوچ بلوچی ئٹ مرے ہرادے عنقاء پبلیکیشنز نا پارہ غان شینک کننگا۔ دا کتاب ءِ مخلوق بھاز دوست کرے و براہوئی آن بلوچی و بلوچی آن براہوئی ئٹ مٹ کننگ نا ستا کننگا۔