بلوچستان نا بھاز آ علاقہ تیٹ انٹرنیٹ سروس بند کننگانے۔
گوادر، کیچ، پنجگور و خضدار ئٹ انٹرنیٹ سروس بند کننگ آن پد زیارت، قلات، منگچر، بولان، دکی، لورالائی، پشین، ہرنائی، و مچھ ئٹ ہم انٹرنیٹ ءِ بند کننگا۔
انٹرنیٹ سروس نا بند مننگ آن مخلوق سختی و تکلیف آتیتون مون تننگ ءِ ایزی پیسہ، جاز کیش و موبائل لوڈ ہم انٹرنیٹ آن کننگک مخلوق ہڷ و تس ئٹ ہم سختی تیتون مون تروئی تمنگ ءِ۔
خیال ئٹ مرے اِرا دے مالو ضلع کیچ، گوادر و خضدار ئٹ ہم انٹرنیٹ ءِ بند کننگاسس۔ پک مفروک حوال تا ردئٹ حکومت پاکستان نا پارہ غان تیوہ بلوچستان ئٹ غٹ موبائل نیٹ ورک آتا انٹرنیٹ ڈیٹا نا بند کننگ نا فرمانک شینک کننگانو۔