صوبائی حکومت نا ترجمان شاہد رند پارے کہ پولیس قانود نا ردئٹ برانز کروک آتا برخلاف کاروائی کرینے ۔
ترجمان حکومت بلوچستان شاہد رند پارے کہ بلوچ یکجہتی کمیٹی اگہ راجی کسر ءِ بند کرے الس ءِ سختی تیتون مون تروئی تما کسر تا بند مننگ نا سوب کراچی و گیشتر شار آتیان بروکا مسافر تیا بےدادی مسر ۔
صوبائی حکومت نا ترجمان نا پاننگ ئس کہ برانزی تا برخلاف پولیس قانود نا ردئٹ کاروائی کرینے ۔
حکومتی ترجمان دوبہ خلکونے کہ کوئٹہ ٹی برانز کروک آک پولیس ءِ خل خلکر و بےدادی کریر ہمو وخت لیڈی پولیس کانسٹیبل و پولیس کارندہ تون اوار دئے ٹپی بندغ اسپتال آ ہتنگانے ۔
شاہد رند پارے کہ بی وائی سی باسک آتا میت آتے کسر آ تخیسہ برانز بناء کننگانے دانا پڑو مرو ۔
شاہد رند دوبہ خلیسہ پارے کہ امن و امان ٹی خلیس شاغیسہ ہربشی ءِ تالان کننگ ءُ ۔ قانود ءِ دوٹی ہلنگ نا اجازت تننگ مفک ، قانود دوٹی ہلیسہ نقص امن نا مسخرہ جوڑ کننگو گڑا حکومت چھپ سیل کروف ۔
پاش مرے کہ اینو بلوچ یکجہتی کمیٹی نا پارہ غان زوراکی ئٹ بیگواہی تا برخلاف برانز نا بست و بند کننگاسس ہراڑے پولیس کریک ڈاٶن کریسہ آنسو گیس و واٹر کینن ءِ کاریم ئٹ ہیس اندن ہمو وخت پولیس نا سم کاری آن درزن آ برانزیک کسکر و ٹپی مسونو ۔
بلوچ ہکجہتی کمیٹی کہوک برانزی تا جون تے کوئٹہ ٹی تخیسہ تولوک برانز کننگ ءِ اندن پگہ تیوہ بلوچستان ئٹ شٹرڈاٶن و پہیہ جام ہڑتال نا کال تننگانے ۔