مظلُوم آ تینا راج ئنا غَمخوار ئے صبیحہ
زالِم تِکے جابِر تِکے قہار ئے صبیحہ
آسمان اٹی او بھیم ئنا سگ آتِتو تینا
ٹِمکوکا گِروشکا سفا اِستار ئے صبیحہ
سُوری تِکے دا وخت ئنا دوٹی تہ سگارے
تُمپ بانڑی بانُک نا ھَو کِڑدار ئے صبیحہ
ڈُکّال ئے تینا کوپہ غا ارفینے روانے
دا ڈیھ ئنا سُہیلی آ اِستار ئے صبیحہ
ھَو گواچن ئے چِرّیفسہ ہر کوچہ گلی ٹی
راستی نا کنا شادُر آ گِندار ئے صبیحہ
بشخِنگ ئے تینا کِڑد ئتو کور آتے تجلّی
گُنگ اِنگا توار آتا ھَو کُوکارے صبیحہ.
توار بلوچ