پِنا ماما باسط نا
اف سما نے ہرانگ مر درے زندگی
پٹینہ ہر نشانے نا نن خلق ئٹی
پین اف دڑد ہچ دڑد بس دا سلیس
گنگنے نا جتائی سفا باسطی
دڑد ئنا تاب اف سیک وساک اِنار
مرگ ئنا پلو ئٹ زند ئنا تاک تُڑار
پن بٹیر چوژ الکر تینے ہِس کریر
نے کفن تو چوخت ئس گلاباک خنار
مٹ الے گر کس ئس اونا مِلپ بدل
گلشن ئٹ اف اسل دونو گواڑخ کنول
چر ئٹی عاشق آتا تینا ڈیھ ئنا
پین کس ئس مرو مف، مرو او اول
شون الے جہد پین خواہش آ ساہ ۓ تس
ڈیھ ئنا تؤش ئسے کوپہ سیخا ۓ تس
خمپ ہچ دڑد الم راج دا بیوس آ
نا کنا زند ئکن یار دنیا ۓ تس
چٹ زہیری او دا خنک بر نی پدا
شون ایت بر سبخ آتو زندے کنا
پد نیان سنگر ئٹ ماما چپی ئسے
زیب مجلس تا زینت نے تو اِنا
میرو بلوچ