سیکیورٹی خلیس نا گواچی جعفر ایکسپریس ءِ اسہ وار پین جیکب آباد ریلوے اسٹیشن آ توننگا ، ہرانا سوب آن مسافر آتے زیات سختی تیتون مون تروئی تما ۔
پشاور آن کوئٹہ ہنوک آ جعفر ایکسپریس ءِ سیکیورٹی سوب آتیان جیکب آباد اسٹیشن آ کیہی گھنٹہ آتیکن توننگا ، بھاز وداری نا سوب مسافر آک زیات فریشان ءُ۔
ذرائع نا پاننگ ئس کہ جعفر ایکسپریس ءِ بھاز وخت بلوچستان نا پارہ غا سیکیورٹی کیلئرنس وے رسینگنگ آ جیکب آباد ٹی توننگانے دا وار ہم کلیئرنس وے رسینگنگ نا سوب ٹرین مونی ہننگ کتو ایسری ٹی مسافر آتے کرایہ پدا تننگا ۔
مسافر آک شکائست خلکر کہ وار وار نا ہورے آن نہ بیرہ ننا وخت ہِنا بلکن سفر دڑدی جوڑ مریک ۔
اوفک خواست کریر کہ متعلقہ کوالخواک جعفر ایکسپریس نا وار وار توننگ نا ویل ئکن حل ئس کشبو تانکہ الس ءِ رکھنگ و باقاعدہ سفر نا آسراتی فراوان کننگے ۔
یاتی مرے کہ برجاء سال بلوچ لبریشن آرمی جعفر ایکسپریس ءِ اسہ جلہو ئسیٹی ٹرین ءِ بندی کریسہ سوار مروک 200 آن زیات پاکستانی لشکر کارندہ غاتے مرگ ئنا گواچی کننگا ۔
گیشتر دا کہ ہنوکا تُو اگست ٹی ہم جعفر ایکسپریس آ اِرا جلہو کننگاسس ، ہراڑان گڈ سیکیورٹی خلیس نا گواچی ٹرین ءِ کیہی وار توننگانے ۔