بلوچستان نا دارالحکومت کوئٹہ غان خڑک سلہہ بند بندغ آک گیس فیلڈ آ راشن دروک آ گاڑی ءِ راشن تیتو اوار تینا کوزہ ٹی کریر۔
کوئٹہ غان خڑک ڈغاری نا علاقہ ئٹ درو سلہہ بند بندغ آک بھلا کسر آ ناکہ بندی نا وخت کرکڑ (زرغون) گیس فیلڈ کن راشن دروک ءُ اسہ گاڑی ئسے ہمو وخت تینا کوزہ ٹی ہلکر ہراتم او فیلڈ نا پارہ غا راشن دننگ ئسر۔
احوالکار آتا رد ئٹ سلہہ بند بندغ آک گاڑی نا ڈرائیور ءِ ہم دزگیر کریر۔
تدینی نا ذمہ واری ءِ دسکان کس ارفتنے واہم تدوک وخت آتیٹ بلوچ آزادی پسند سلہہ بند بندغ آتا پارہ غان گیس فلیڈز و اوفتا رسد ءِ ٹک کننگ مریسہ مسونے۔