کوئٹہ غان خڑک ئنا علاقہ تیٹ اینو پاکستانی لشکر لشکر کشی کننگ ئٹی ءِ ہراٹی گن شپ ہیلی کاپٹر آتیتون اوار ڈرون طیارہ غاک ہم بشخ ہلنگ ءُ۔ اسہ کش آ مارٹر تیٹ گولہ خسیسہ کننگو۔
اینو سہب ئنا پاکستانی لشکر کوئٹہ نا خڑک ئنا علاقہ زرغون و داپار ایپار ئٹ لشکر کشی بنا کرینے ہراٹی لشکر نا پیادہ کارندہ غاتا بھلو کچ ئسے تون اوار گن شپ ہیلی کاپٹر و ڈرون آک بشخ ہلنگ ءُ۔
علاقہ نا وسیلہ تا رد ئٹ زرغون شیرکی کچ، زرغون گیس فیلڈ و داپار ایپار نا علاقہ غاک آپریشن نا زد ئٹی ءُ۔ اوفتا پاننگ ئسک کہ تدوکا نن ہم جتا جتا انگا کنڈ آتیٹ پاکستانی لشکر نا پارہ غان مارٹر گولہ فئیر کننگ نا۔
آپریشن نا سوب آن دائسکان جون و مال تا نسخان نا شابیت حوال آک رسینگ کتنو۔