بلوچستان نا علاقہ حب ءِ جتا ضلع اس پِن کننگ نا نوٹفکیشن شینک مس۔
تدوک بھلو وخت ئسے آن سیاسی جماعت آک خواست کننگ ئسر کہ حب ءِ بست و بندی ردئٹ جتا ضلع اس پِن کننگ مرے۔ ہرانا اینو نوٹفیکیشن شینک کننگانے۔
نوٹفیکیشن نا ردئٹ ضلع لسبیلہ و حب ءِ اِرا بست و بندی ضلع آتیٹ ونڈ کننگانے ہرانا ردئٹ ضلع حب نا بنجاء حب، سب ڈویژن آک حب، دریجی، سومیانی (وندر) مرور، اندن تحصیل حب، تحصیل گڈانی، تحصیل سومیانی (وندر) و تحصیل دریجی مرور۔
ایلو پارہ غان ضلع لسبیلہ نا بنجاء اوتھل، سب ڈویژن آک بیلہ، اوتھل، کنراج مرور۔ اندن تحصیل بیلہ، اوتھل، لاکڑا، کنراج و سب تحصیل لہڑی مرور۔