بلوچستان نا دارالحکومت کوئٹہ ٹہ اسہ سلاء بند جلہو اسیٹی ایئرپورٹس سیکیورٹی فورس ( اے ایس ایف) نا اسہ کارندہ ئس مرگ نا گواچی مس۔
پولیس کارندہ آتا ردئٹ سُم کاری نا تدینی ایئرپورٹ کسر آ مس ہراڑے نا درست بندغ آتا سُم کاری آن اسہ اے ایس ایف کارندہ مجاہد حسین سکنہ راولپنڈی مرگ نا گواچی مس۔ جون ءِ المی کاروائی کِن سول ہسپتال آ دننگا ۔
دا وخت جلہو نا ذمہ واری ءِ تحریک طالبان پاکستان ارفے۔ ترجمان محمد خراسانی میڈیا ٹی شینک کریسہ بیان ئٹ پارے کہ ” اینو سہُب ہفت و نیم آ تحریک طالبان پاکستان نا ٹارگٹ کلر ٹولی نا مجاہدین کوئٹہ ٹی ایئرپورٹ کسر آ طور ناصر پِنی فوجی کارندہ ءِ سُم کاری آن ٹِک کریسہ مرگ نا گواچی کریر”۔