سبحان قیصرانی و تاتہ مار مسعود الرحمن قیصرانی ءِ پاکستانی لشکر دزگیر کریسہ بیگواہ کرے۔ دا خیال آتا درشانی ءِ زوراکی ئٹبیگواہ سبحان و مسعود نا خاہوت کرے۔
ایلم نا رد ئٹ اوفتے برجا سال شانزدہ جنوری آ بیگواہ کننگا ہرا تدوکا اِرا ہفتہ آن زوراکی ئٹ بیگواہ ءُ، و اوفتا دائسکان ہچو حوال اساف۔
خاہوت پارے کہ سبحان قیصرانی نا اِرا سالی مسڑ ماہنور بلوچ تینا باوہ آن بیدس بے جارات و نا جوڑ ءِ۔ اندن ننا اُرا ٹی ماتم و بےجاراتی نا ماحول ءِ۔
او پارے کہ کنا اِرا ایلم و اِرا تاتہ مار مالو ہم زوراکی ئٹ بیگواہ کننگاسر پدا اسہ ایلم و تاتہ مار تے یلہ کننگا ایلو ایلم ءِ یانزدہ تُو دئےدے ٹارچر سیل آتیٹ بے دادی نا گواچی کننگ آن گڈ عیسیٰ نگری بروری روڈ کوئٹہ ٹی ہودہ جولائی اِرا ہزار ہودہ آ دروغ نا مونتس ئٹخون کننگا۔
خاہوت بندغی حق آتا گل، سیاسی و خوانندہ گل آتیان خواست کرینے کہ اوفتا دوستخواہ تا یلہ مننگ کن توار بڑز کیر تاکہ اوفتا زندرکھنگے۔