کچلاک بائی پاس آ نادرست بندغ تا کنڈ آن پاکستانی لشکر نا چیک پوسٹ آ سم کاری نا سوب اِرا کارندہ مرگ ئنا گواچی مسر۔
سر وزیر بلوچستان نا ترجمان بابر یوسفزئی نا رد ئٹ کچلاک نا دے کہی بائی پاس آ ٹہیفوک سکیورٹی فورسز تا چیک پوسٹ آ نادرستبندغ آک تینا مون سم کاری کریر ہرا نا سوب اِرا فورسز کارندہ مرگ ئنا گواچی اندن اسٹ ٹپی مس۔
تدینی آن گڈ کمکی ٹولیک و سکیورٹی کارندہ غاک جاگہ غا سر مسر ہراکان مرگ ئنا گواچی مروک کارندہ تا جوْن تے خڑک ئنا ہسپتال آدننگا۔
سر وزیر بلوچستان نا ترجمان بابر یوسفزئی تدینی نا مذمت کریسہ پارے کہ تدینی ٹی مرگ ئنا گواچی مروک کارندہ تا خاہوت آتا ڈکھئٹ اوار اُن۔