امریکی جیولوجیکل سروے نا رد ئٹ زمین جمب نا بنجاہ زمین نا 10 کلومیٹر کُڑمبی ٹی ئس۔
یورپی میڈیٹیرینین سیسمولوجیکل سینٹر (ای ایم ایس سی) نا رد ئٹ سئے شمبے نا دے بھارت و پاکستان نا منَہ علاقہ آتیٹ 5.4 ناترندی ئٹ زمین جمب نا چنڈیک آک محسوس مسنو۔
زمین جمب نا بنجاہ بھارت نا علاقہ پٹھان کوٹ آن 99 کلومیٹر قطبی نیمغا زمین نا 60 کلومیٹر (37.28 میل) کُڑمبی ٹی ئس۔
ڈان نیوز نا رد ئٹ پشاور، اسلام آباد، لاہور و اوڑتون گنڈوک شار تیٹ زمین نا چنڈیک محسوس مسنو۔ زمین جمب آن الس ئٹ بیم وخلیس تالان ءِ و بندغ آک تینا اُرا و ماڑی تے ہورک کننگ ءُ۔
ایلو کنڈ آن بھارت نا خبر تروک ادارہ’اے این آئی‘ نا پاننگ ءِ کہ بھارت نا بنجائی شار نئی دہلی تون اوار قطبی بھارت نا منَہ علاقہآتیٹ ہم زمین جمب نا چنڈیک محسوس مسنو۔
داکان مُست 28 مئی آ ہم ڈیہہ ئنا قطبی و نیامیکو علاقہ آتیٹ اِرا وار زمین جمب مسس ہرا نا سوب آن خیبرپختونخوا نا بٹگرا ضلع ٹیمُسہ چنا ٹپی مسوسر۔
محکمہ مُد ئنا شنگ مروک بیان نا رد ئٹ زمین جمب سوب ئنا 10 بج و 50 منٹ آ مسس ہرا نا بنجاہ اوغانستان و تاجکستان نا سیمی آعلاقہ ئس ہرا نا ترندی 6 ریکارڈ مس۔
اندن 4.7 نا ترندی ئٹ ارٹمیکو زمین جمب شام ئنا 5 بج و 57 منٹ آ مس ہرا نا بنجاہ اوغانستان ٹی جلال آباد نا خڑک و 15 کلومیٹر ناکُڑمبی ٹی ئس۔
یات مرے کہ اینخو مارچ ئٹی ڈیہہ ئنا جتا علاقہ آتیٹ 21 و 22 مارچ نا نیامیکو نن 6.8 نا ترندی ئٹ زمین جمب آن خیبر پختونخوا ٹیدئے بندغ بیران و شست و دو 62 ٹپی مسوسر۔