بلوچستان نا ضلع کیچ آن پاکستانی لشکر مُسہ ورنا ءِ دزگیر کریسہ بیگواہ کرینے۔
حوال تا ردئٹ کیچ نا شار تربت آن پاکستانی لشکر اسہ بندغ ئسے دزگیر کریسہ بیگواہ کرینے ہرانا چاہنداری طاہر نا مار قمبر نا پن آن مسنے ہرا پنجگور نا علاقہ پروم نا ہندی ئسے۔
خاہوت نا ردئٹ پاکستانی لشکر اودے میری کلات آن برجاء توہ نا 2 تاریخ آ اوفتا سیال آتا اُرا غان دزگیر کرے ہراڑان پد او بیگواہ ءِ۔
ایلو پارہ غان کیچ نا تحصیل تمپ آن پاکستانی لشکر اِرا ورنا ءِ دزگیر کریسہ نادرست ہند آ درینے۔
بیگواہ مروک آتا چاہنداری موسیٰ نا مار علی جان و رشید نا مار وحید نا پن تیٹ مسنے۔
حوالکار تا ردئٹ پن کروک ورنا تے درے ننکان تحصیل تمپ نا علاقہ دازن آن پاکستانی لشکر چھاپہ خلیسہ دزگیر کرینے۔