بلوچستان نا ضلع خضدار نا تحصیل زہری ٹی صدام گراونڈ نا خڑک بمب تراک، تراک ئٹی زہری نا وائس چیئرمین راوت خان زہری نا چنکا ایلم لیویز کارندہ عبدالحمید کھسک و محمد خان لوٹانی پنی آ اونا اسہ سنگت ٹپی مس۔
ٹپی مروکا و جون ءِ اسپتال آ رادہ کننگا۔
ہندی حوال تا رد ئٹ تراک انداخس بھلوس ئس کہ اونا توار مُر مُر اسکان بِننگ مس، و لیویز و ایلو فورسز آک تدینی نا ہند آ سر مرسا کاروائی بناء کریر۔
زہری لیویز کوالخواہ تا رد ئٹ تراک مقناطیسی بمب اسیٹ کننگانے۔ ودیک پٹ پول برجاء ءِ۔