بلوچ یکجہتی کمیٹی تربت و حب برانز کروک آتون ہم کوپئی کن اینو کوئٹہ ٹی برانز نا پڑو کرے ۔
بیان ئٹ پاننگا کہ بلوچ یکجہتی کمیٹی شال زون نا پارہ غان تربت ئٹ شہید ظریف نا خاہوت نا برانز و حب چوکی ٹی زبیر بلوچ نا خاہوت نا برانز نا ہم کوپئی کن اینو دیگر نا بلوچستان یونیورسٹی نا مونا برانز کننگو ۔
گیشتر پاننگا کہ ریاستی زوراک سیکورٹی ادارہ غاک حب و تربت ئٹ برجاء برانز آتے ایسر کننگ نا تڑی و گیشتر چم آتے کاریم ئٹ ہتنگو ۔ بلوچ الس تینا لمہ و ایڑ تا رکھ ئکن کسر تیا پیشتمانو ۔
بی وائی سی نا بیان ئٹ پاننگا کہ نن کوئٹہ نا الس آن خواست کینہ کہ اینو بیگہ تون 4 بجہ بلوچستان یونیورسٹی آن کشنگوک برانز ئٹ اوار مریسہ شہید ظریف بلوچ و زبیر بلوچ نا خاہوت تون اوات ہم کوپئی نا درشانی کیر ۔