پاکستانی لشکر نا شعبہ تعلقات عامہ آئی ایس پی آر اینو بولان نا علاقہ مچھ ٹی پاکستانی لشکر آ مروک بمب جلہو ءِ پک کرے ۔
پاکستانی لشکر نا شعبہ تعلقات عامہ آئی ایس پی آر پریس رہلیز ٹی پارے کہ 6 مئی 2025 آ بلوچ لبریشن آرمی ضلع کچھی نا علاقہ مچھ ٹی فورسز نا گاڑی ءِ آئی ای ڈی جلہو ئٹ ٹک کرے۔
فورسز کوالخواہ نا ردئٹ دا جلہو نا سوب کراچی آن تعلق تخوک 42 سالی صوبیدار عمر فاروق ، ضلع کرک نا ہندی 28 سالی نائیک آصف خان ، 22 سالی سپاہی محمد عاصم ، ضلع اورکزئی آن 28 سالی نائیک مشکور علی ، لکی مروت نا ہندی 26 سالی سپاہی طارق نواز ، ضلع باغ آن 28 سالی سپاہی واجد احمد فیض ، کوہاٹ نا ہندی 28 سالی سپاہی محمد کاشف خان مرگ ئنا گواچی مسونو ۔
کوالخواہ دعویٰ کرینے کہ علاقہ ٹی کلیئرنس آپریشن برجاء ءِ ۔