ریلوے کوالخواہ نا ردئٹ جعفر ایکسپریس کوئٹہ آن پشاور کن سہب نا 9 بجہ غا پیشتماسس کہ سپیزنڈ مستونگ نا ہند ریلوے ٹریک آ تراک ہمو وخت مس ہراتم جعفر ایکسپریس ہِننگ ئس ۔
کوالخواہ تا پاننگ ءِ کہ تراک آن جعفر ایکسپریس نا 6 بوگی پٹڑی آن شیف تمار واہم ہچو مسافر ئس ٹپی متئو ۔
یاتی مرے کہ منہ دے مالو سبی ٹی ہم ریلوے ٹریک آ تراک ئس مس ہرانا سوب ٹی جعفر ایکسپریس تدینی آن زرس بچاسس ۔
برجاء سال مارچ ئٹی بلوچ لبریشن آرمی جعفر ایکسپریس ءِ ہائی جیک کریسہ اوٹی سوار اِرا سد آن زیات پاکستانی لشکر نا کارندہ آتے دزگیر کریسس۔ پن کروک جلہو ڈیہہ ئٹ تینا وخت ئنا اولیکو تدینی ئس ۔