دا رنگ ئسے نا رُژن ئسے تہار ہٹی ودی مریک
دا قید ؤ بند ہٹی ہراکہ مسخت ان پدی مریک
مُدام مہر ؤ عاجزی نا بشخکک سُرورے دا
مزاحمت نا نشہ ٹی ہراکہ بیخُدی مریک
ہراتم آ او پَرّہ غاتے فکری آ ملیک تینا
دا راج ءِ نِرخ ئنا تینا سماء ءُ سرپدی مریک
ہراکہ حق آ ہیت کیک ہمودے پاہکک اِمام
دا راج ، راج دُوست آ عالم اتا مُقتدی مریک
ہرا گُناہ نا خلکُنس نی داغ ءِ دامُن آ اُونا
مگہ گُناہ نا فلسفہ ٹی داغ دا بدی مریک ۔۔؟
محراب بلوچ