سائیں بلال نا پِنا
سائیں ننا دا سال ئنا
سنگت فدائی شال ئنا
کِشکہ مُخے پاکو ئنا
کُورا درے لونڈو سفا
مشکل مرے سدھا نَوا
بسّک ہتے پیٹی پدا
ہٹکل رفیق ءُ بال ئنا
سائیں ننا دا سال ئنا
ایسک کلہو پاکو تیکن
سنگت فدائی شال ئنا
قول ءِ ہمے تینٹ اِنو
بَس پارسہ جنگ ءِ کبو
پُوہاڑسے ٹی ہِس مرو
ولدا اگہ بس بُن ہَلو
ندری نُما دا جال ئنا
سائیں ننا دا سال ئنا
ایسک کلہو پاکو تیکن
سنگت فدائی شال ئنا
ایتو کلہو کُلے سَلو
ولدا ہتم چلتن خنو
سنگت بلالی وا مخو
خَن تو مجیدی آ برو
خوشی گمر اے گال ئنا
سائیں ننا دا سال ئنا
ایسک کلہو پاکو تیکن
سنگت فدائی شال ئنا
جنگ ءِ خنو دا وارئنا
داسہ مرو سُم خَار ئنا
دژمن تینا دژمن خنو
قولے دا بلالی نا زِرو
جنگی ننا دا ھال ئنا
سائیں ننا دا سال ئنا
ایسک کلہو پاکو تیکن
سنگت فدائی شال ئنا
قولے ننے گہرام ئنا
رُژن اس تِرو گربام ئنا
سریابی آ سائیں فدا
زند اٹ بلالی وا مَخا
نودَل خَنا اھوال ئنا
سائیں ننا دا سال ئنا
ایسک کلہو پاکو تیکن
سنگت فدائی شال ئنا
نودَل بلوچ