کاغذ ئس مہروانہ راشد جان کن
نوشت: زامران بلوچ | مٹ: میرین زہری
دی بلوچستان پوسٹ
نا خیال آ دا ہشوکا شغان آک اَنت ءُ؟
ای میاری اُٹ، میاری، میاری مریو. نا پٹننگ نا فکرے، نن میاری اُن، میاری مرین.
راشد جان نا دراخی نا خواستگار نا سنگت اینو دا لوزاتے نیکن نوشتہ کننگے۔
الّمی نی دشمن نا عذاب خانہ ٹی ہم بلوچستان نا باراوٹ فکر کننگ مروس، بے وس، لاچار ءُ غلام آ بلوچاتا خاطران اُست دیر مروس و گلزمین تون مہر ئنا سزا ٹی زندانی اُس۔
کنا سنگت۔۔۔۔ ہمے وخت آن کہ نی دشمن نا عذاب خانہ ٹی بے دادی سگنگ اُس، نا لمہ و جیجا ایلو بندی تا لمہ غاتا ڈول نا پٹنگ کن وارس شال ئنا برفی آ نن تیٹی پریس کلب نا مونا آہ و زاری ٹی ءِ وارس کراچی نا لُک آ باسنی ٹی پریس کلب نا مُونا برانز ارفنگے۔
وخت اس نے پردیس آن بیگواہ کریر گڑا دشمن’ نا زیہا وڑ وڑو دوبہ خلک۔
ننا گڑاس انسانی حق آتا راجی پارٹیک ہم خُلوک ئسر کہ نیکن توار ارفن اگا نہ؟
گڑاس عرب آتون دشمنی خواتور، گڑاسے عربستان آ ہنوئی ئس و گڑاسینا کاروبار ہمینگا ئس۔ ولے نا سنگت آک نا عکس ءِ ارفیر و نا لمہ تون اوار احتجاج کریر و پدا ننا بندغی حق آتا پارٹیک بریسہ لمہ نا توار مسر۔
کنے یخین ءِ کہ دا ہیتاتے بننگ تون اُست ٹی کپروس انتیکہ نا ہمت مدام ننے حوصلہ و کسر نشان تِسونے۔
راشد جان زندان کننگ وختا بلوچستان نا حالیت و توڷ بش آک نا مونا ئسر و اینو ہم ہمون ءُ ولے تینا سنگت ذاکر جان ءِ پاس، ہمو بلوچستان ہرانا خیال آک ئسر، ہرا تنظیم کہ ہراڑکن نی دژمن نا عذاب خانہ ٹی بندی اُس، اُو تینا ردنگا پالیسی تون دژمن نا زوراکی تا سوب آن بھاز نزور مسونے، بلوچستان ئنا سیاست بے پدو خیال ئس جوڑے۔
نا چندی سنگت و دوست آک شہید مسونو، بھازاک بندی ءُ، بھازاک پیشن ملک ٹی ءُ و گڑاس سودا مسونو گڑاس ڈیہہ ئنا سپاہیک مش تیٹی جنگ کننگ ءُ۔
راشد جان چیئرمین زاہد ءں سلام آتے سر کیس و اندا پاستہ کہ بلوچستان نے یات کننگ ءِ و نا ڈولو پین کس اَف داڑے، داسہ کس پاپک پاکستان تون اوار ایران ہم ننا ڈیہہ آن پیش تمے، انتیکہ بلوچ کست و کاڑ آ سر مسونے۔
تیوی سنگت آتے سلام کیس کہ ننا لمہ غاک نما کسر اروک تولوک ءُ زوئس ببو کہ نمے آن بیدس نما بلوچستان ویران ءِ۔
آؤ راشد جان نا پٹنگ نا جنگ ئٹی نن میاری اُن و دا پٹنگ نا جنگ برجا ءِ۔
نا سنگت: زامران بلوچ
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔
