سعودی عرب تون اوار بھاز آ عرب ملک آتیٹ جمعہ 22 مئی 29 میکو روچہ غا عئید نا نوک خننگتو۔ چنکا عئید 24 مئی آ مرو۔
العربیہ و سبق نا رد ئٹ ہفتہ غا رمضان نا سیمیکو روچہ مرو، و چنکا عئید 24 مئی آ مرو ءِ۔
سعودی حوالکار ایجنسی نا پاننگ نا رد ئٹ ایوان شاہی پڑو کرینے کہ سپریم کورٹ جمعہ غا نوک خنپرنگ ءِ پک کرے و چنکا عئید یک شنبہ 24 مئی آ مرو۔
داکان مالو العربیہ نا حوالکار پاریسس کہ تمیر شار نا رویت ہلال کمیٹی نوک خنپرنگ نا پڑو کرینے۔ اخبار 24 حوطہ سدی ئٹ المجمع یونیورسٹی نا رصد گاہ پارے کہ جمعہ غا نوک خننگتئو۔
داکان مالو فلکیات نا چاہندار آک دعویٰ کریسر کہ فلکیاتی نظام نا رد ئٹ جمعہ 22 مئی آ نوک خننگ مفرو انتیکہ نوک دے ڈب ہلنگ آن مالو ڈھکنگو۔
فلکیات نا چاہندار آتا پاننگ ءِ کہ دا سال روچہ سی دے ئنا مرو۔
قطر ئٹ ہم عئید نا نوک خننگتو، عئید یک شنبے آ مرو ءِ۔
المرصد ویب سائیٹ نا رد ئٹ شش ملک آک آسٹریلیا، فلپائن، جاپان، انڈونیشیا، ترکی و ملائیشیا ئٹ وختی پڑو کننگاسس کہ ہفتہ غا روچہ نا سیمیکو روچہ مرو۔ و عئید یک شنبے 24 مئی آ مرو ءِ۔ دا ملک آتیان اسٹ اسیٹ ہم 29 میکو روچہ جمعہ غا عئید نا نوک خننگتو۔