آجو نظم
ائید
امہ نی سنگت ائید کیسہ
مگہ نی سنگت ائید کیسہ
نا زند زندان اسہ ٹی بندے
امہ دا زندے نی زند پاسہ
نا خنک شیفو غلام نی اس
نی داخہ بےوس
نا خنتا مونان او نائے دزک
پلک نے چپ,چپ
خوش,خوش اس
نی داخہ بےحس
ای ہفت حیران نے آ سنگت
امہ نی سنگت ائید کیسہ
مگہ نی سنگت ائید کیسہ
ہزارہ رنگی آ تیٹی
نا راج بے رنگ
نا مون شورانک
نے قبلس افک
دترنا گندئے نا ار اراغان
نا لکھ مراد انگہ گم ئے ایلم
امہ نی سنگت ائید کیسہ
مگہ نی سنگت ائید کیسہ
دا مہروان انگہ توں اٹی ام
نا لمہ ناتو خسککہ غاتون با ملنگگ
پراد طاق انکہ نن تیٹی دا کرینے نا ایڑ رب نا مونا
امہ نی سنگت ائید کیسہ
مگہ نی سنگت ائید کیسہ
اسہ ملنگ اس نا ننگ و ناموس
وجود آکن نا
دا مش جبل تیٹ ٹکرتے تینا بدن نا گرک
ملاس نیکن
شپاد نیکن او جنگ کیکک
بقاء آکن نا
او تینا اینوئے پگہ کن نا فدا کرینے
امیکہ مش تیان نے کیک کوکار
غلام آ سنگت۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ائید کیسہ
امہ نی سنگت ائید کیسہ
مگہ نی سنگت ائید کیسہ
امر نی سنگت ائید کیسہ
صغیر جاذب
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔