مستونگ ٹی جتا جتا علاقہ غاتیٹی خلق لدھا و خلق فیض آباد ٹی چار قبیلہ غاتا نیام ٹی جیڑہ مسونے ہراڑان سینزدہ آن زیات بندغ ٹپی مسونو۔
خلق لدھا ٹی دا جیڑہ سادات و محمد شہی قبیلہ نا نیام مس ہراڑان ہڑتوما نیمہ غان چار بندغ ٹپی مسونو۔ دا جیڑہ ٹی نا گت آن بنگلزئی قبیلہ نا ام بندغ اس ٹپی مسونے۔
ارٹمیکو قبائلی جیڑہ سارنگزئی و لہڑی تا نیام ٹی مسونے ہڑتوما نیمہ غان لٹ آتے تون اسٹ ایلو آ جلہو کننگا ہراڑان 9 بندغ ٹپی مسر۔
یاتی دا ہڑتوما قبائلی جیڑہ غاتا سوب آک دائسکان سما تمتنو۔