نوشکے ٹی سیل و سوات کروک آتا گاڑی شکست نا گواچی مس ہراڑان اسے بندغ اس بیران مس۔ بیران مروکا بندغ نا پن نعمت اللہ ئس ہرا چاغے نا علاقہ پدک آن تعلق تخاکہ۔ دا واقعہ غان 11 بندغ ٹپی مسر اوفتا ام تعلق پدگ آن ءِ۔
واقعہ امو وخت مس کہ ہراتم نوشکے نا علاقہ جنگلات ٹی اِرا گاڑی تین پتین گوئی کریرہ۔
داڑان مست نوشکے نا علاقہ خلق مینگل ٹی ام ارا موٹر سائیکل تین تون ڈک لگار ہراڑان مسہ بندغ ٹپی مسر۔
ڈی ایچ او نوشکے نا پاننگ ءِ کہ دا عئید نا وخت آ دائسکان نوشکے ٹی گوئی کننگ آن 40 آن گیش بندغ ٹپی مسونو۔
یاتی مرے کرونا وائرس نا سوب آن بلوچستان حکومت و نوشکے انتظامیہ عید نا وخت آ سیل و سوات، گوئی کننگ و مچی کننگ آ بندی خلکنے ولے اوکان گڈ ام اُلس بے سمائی ٹی وار وار قانود آ چپ ہنیسہ ءِ ہراڑان حکومت نا بے وسی پاش مریک۔