کرار ای نے آ حیران ہُٹ
کرار ای نے آ حیران ھُٹ ۔۔۔۔!!
کہ نی مالو زمانس مُست
امر دا وخت ءِ پو مسوس !!!
اندا وخت اٹ بداتے دشمنا تیتون
ننا شارٹ دا کیرہ جان جی داسکا
امو ڈول اٹ داڑے داسکان
کُلاک زندگی کیرہ
کرار ای نے آ حیران ھُٹ۔۔۔۔۔!!
ای حیرانٹ کہ دا اِستاک
امہ ماگم تتون ہمراہ مریرہ کُل !!
مفسہ سات اس ہم بے تُغ
نہ کیرہ روشنائی او ۔۔۔
ولدا ہم بے تغی کیرہ
امہ داتے نی پو مسوس ۔۔۔۔!!
کرار ای نے آ حیرانٹ ۔۔۔۔۔!!
ای حیرانٹ کرار نے آ
کہ دُن ٹک اَٹ
کریس ایتاتے گوہنگاس ولدانہ
مُریداتے خناسک چاکراتا ہمرئی تیتو
اندا حالٹ او داسکان نا
تینتو ہم زندگی کیرہ
نی ٹِک اٹ ہیت ءِ پارینوس
کرار ای نے آ حیرانٹ ۔۔۔۔۔!!
کرار !! دا شارئٹی روشن
مروکا کُل چراغاتے دا ڈکھنگ کہ
تینا دوتے تخانو مونٹی او دے
ئنا داسکا
ولے ڈکھنگ اراڑے دے مروئے دا !!
کہ دا زُفاتہ جھمرٹی مریک سیخا
جہان اس کُل ۔۔۔۔
خبر اس نے امر دیچا !!!
کرار ای نے آ حیرانٹ ،،،،،!!
زمین نا نا خداتہ نے امر وختی سما تما
نہ سجدہ ٹی نہ مسجد ٹی
نمازٹ نئے کہ زکرٹ او خدائے یاد کیرا نئے !!
او ہم اندا تینے شارٹ تینے کُلان شہی کیرہ ۔۔۔
مفاد آتے کہ جی کیرہ ۔۔۔۔۔
کریس وختی امر محسوس نی کافرتے یک یکا۔۔۔
کرار ای نے آ حیرانُٹ۔۔۔۔۔
کہ نی ار اُست ئنا دڑدے امر محسوس
کرسہ دوست امہ دڑداتے پو مسوس
اگہ مہرٹ مخا کسس اموتا استٹی ڈکھ اس
ارے نے ہم سماہ تماس
امر نی چہرہ ئے دا دورئنا خواناس پو مسوس
کرار ای نے آ حیرانٹ۔۔۔۔۔۔۔
اسٹی نا نی پنت تسوس حفیظ آتے
کریس سرپند کہ مہر اٹ شعر امہ پارہ
امر وا شاعری کیرہ !!!
نُما فکرٹ دسوکا پھل امو پھلاتے وا ٹیکی
کرسہ شاعری کینہ ۔۔۔۔
زمانے مُست زمانہ غان خناس وختی
کرار ای نے آ حیرانٹ
کرار ای نے آ حیرانُٹ ۔۔۔۔۔
حفیظ شہزاد
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔