‎او دتر نا کڑدہ والا بندغ آتے ام کرونا زیمی کیک

الّمی خوانبو

‎تدوکا دے تیٹ اسہ کمپنی سینا پٹ  پول آن دا ہیت پاش مسونے کہ O دتر نا کڑدہ والا بندغ آتے دتر نا ایلو کڑو تیان کرونا وائرس کم زیمی کیک ہراڑان نمن مننگانے

‎بائیو ٹیکنالوجی نا ٹیسٹنگ کمپنی ’23 اینڈ می‘ نا اسہ پٹ و پول اسیٹی دا دعویٰ کننگاسس کہ بندغ ئسے نا دتر کڑدہ ئٹ دا پاننگ کینہ کہ او ہرا ہد اسکان کورونا وائرس نا دک ئٹ برو۔

‎کمپنی تینا پٹ و پول ٹی پاریسس کہ Oدتر نا کڑدہ والا بندغ آک ایلوم کڑدہ آتا مون ٹی کورونا وائرس آن زیات بچوک ءُ انتے کن دانا ایلو کڑدہ آتا مون ٹی 9 آن 18 فیصد اسکان گمان پاش مریک۔

‎دا رد ئٹ امریکی یونیورسٹی آف میری لینڈ اپر چیساپیک ہیلتھ ٹی چیف آف انفیکشن ڈیزیز نا دروشم ئٹ تینا کاریم تے ایسری تریوکا ڈاکٹر فہیم یونس تینا ٹوئٹ ٹی پارے دنو ہچ اس اف کہ ہرا بندغ نا دتر ‘او’ کڑدہ مریک ، او A یا ایلو دتر کڑو تا مون ٹی کرونا آن کم زیمی مریرا۔

‎او پارے کہ تیوہ آک دا وائرس آن زیمی مننگ کیرہ، تینا دتر نا کڑدہ نا آسرہ غا تینے رکھوک سرپند مفیرے، گڑا دا ہیت آ شرہ انتکن کننگے ہرا بدل مننگ کپک۔

‎اوکان گُڈ ڈاکٹر فہیم یونس پنت تس کہ ماسک بینبو۔

‎داکان مالو ہم ڈاکٹر فہیم یونس کورونا وائرس نا دوا درمان کن جِر و بوچ سنا مکی نا فائدہ آتیان نمن مریسہ پاریسس کہ دادے کاریم ئٹ اتننگ بد مننگ کیک۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...