زر وزیر ظہور بلیدی بلوچستان فنانس بل 2020 ءِ کابینہ کن موکل تس۔
بلوچستان نا مالی سال 2020-21 نا بجٹ اینو مونا ہتنگو ہرادے زر وزیر ظہور بلیدی مونا ہتو۔ بلوچستان نا غٹ بجٹ نا کچ 430 ارب رپئی آن زیات مننگ کیک۔ غیر ترقیاتی بجٹ 320 ارب رپئی، ترقیاتی بجٹ 110 ارب رپئی ءِ۔
غریبی نا ایسری کن ورناتیکن آسرات انگا شڑط آتیٹی وام تننگ مرو۔ کرونا وائرس نا سوب آن جان جوڑی نا شعبہ کن غٹ آن زیات پیسہ تخنگانے۔
یاتی مرے کہ بلوچستان نا بجٹ نا بابت اپوزیشن نا باسک آک کہی وخت آن برانزی ارفنگ ئسر۔ اِرا دے مالو سیکٹریٹ چوک آ دھرنا ام تننگا ہراڑے آزات امیدوار نواب اسلم رئیسانی پارے کہ نن دا بجٹ نا بشخ جوڑ مفنہ انتیکہ دا الس دوست ءُ بجٹ ئس اف۔ ولے درو نا دے حکومت نا پارہ غان اسے پین کمیٹی ئس جوڑنگا ہراٹی حکومتی نمائندہ غاک زمرک اچکزئی، ضیاء لانگو، سردار عبدالرحمان کھیتران و اصغر اچکزئی اوار ئسر۔ ہرا اپوزیشن لیڈر ملک سکندر ایڈوکیٹ و ایلو باسک آتون ہیت و گپ کریر۔
گڈ سر ئٹ اسٹ ایلو تون امنا کریسہ اپوزیشن تینا برانزی مچی تے ایسر کرے۔