بلوچستان نا شار چمن ٹی لیویز تھانہ نا خڑک آ اسے تراک ئسے نا سوب آن 3 بندغ کسکنو و 13 بندغ ٹپی ءُ۔
لیویز نا پاننگ ءِ کہ دا تراک نا مواد آک اسے موٹر سائیکل ئسے آ تخوک ئسر۔ تراک ہمو وخت آ مس ہرا وخت آ ایس ایچ او چمن مقصود نا گاڑی اوکان گدرینگسہ ئس ولے دا تراک آن ایس ایچ او نا جند سلامت ءِ ولے گاڑی تا تسخان رسینگانے۔
لیویز رسالدار چمن جہانگیر احوالکار آتون ہیت و گپ کریسہ پارینے دا تراک آن مسہ بندغ کسکنو و سینزدہ نا کچ ٹپی ءُ ۔ کہوکا و ٹپی مروکا بندغ آتا تعلقداری لیویز و پولیس تون اوار ایلو بندغ آتیان ءِ۔
یاتی مرے تراک آن پد پولیس، لیویز و ایف سی نا کارندہ غاک علاقہ ءِ ہلیسہ مُستی پٹ وپول ءِ بناء کریر۔